Friday, June 30, 2006
叫人驚訝的家姐仔
[好鐘意姪女臨臨豬這張相,因為背後有一個有趣的故事.]過往講咗唔少有關侄仔國臨豬嘅故事,其實國臨豬有一個大佢兩歲嘅家姐,叫做臨臨豬.
臨臨豬一樣係一個好cute,好醒嘅小朋友,而且仲有點家姐仔嘅氣質.
記得有一次我去接臨臨豬放學,順便約佢出去食晏.
一路上,臨臨豬問我:「我地去邊度食呀?」
我順口答:「你話呢?」
其實我心裡想,一個4歲幾嘅細路女,9成想去MacDonald's啦!而事實上我亦正駕車前往附近的一間MacDonld's.
點知佢話:「唔...不如去Brentwood Mall食sushi啦!」
去Brentwood Mall食sushi?!!
為咗確認我無聽錯,而佢又無講錯,我追問:「如果我問弟弟同一個問題,你估佢會點答?」
臨臨豬擺出一副家姐仔嘅態度:「弟弟?MacDonld's囉!」
驚訝之餘,唯有轉呔,帶佢去Brentwood Mall食sushi...
Labels: 養豬大家庭
Wednesday, June 28, 2006
養豬者言 (六)
Monday, June 26, 2006
婚內情
一朝早,打電話給她.
「妳還記得今晚的約會嗎?」
「記得.」她溫柔地回答.
「記得著靚d呀!」
「OK」
放下電話,心情異常興奮.
好耐無試過約女仔食飯.雖然話婚姻愉快,但約會那種心情,彷如初戀嘅感覺,始終好吸引.
約會地點一定要氣氛浪漫,而且千祈唔好撞到熟人.千挑萬選,我終於揀咗兩間都幾高級嘅意大利餐館.
為了確保萬無一失,我決定下午要親身到兩間餐館視察一下,再決定去邊間.
但問題係老婆豬下午已經放工,返到屋企.為了不洩漏約會的秘密,我先哄老婆豬瞓晏覺,然後藉故出街.
雖然老婆豬起初有點懷疑,但憑我3吋不爛之舌,她最終都准我出去一下.
經過精心安排,終於到了跟她約會的時間!
她與我面對面而坐,在蠟燭的火光下,眼前的她更是溫婉,動人.
我不由得捉住她的手,然後順勢伸手去摸她那豐滿的肚...
看著美麗的老婆豬,感受著小豬B的躍動,
我的心跳也不由自主地加速...
Saturday, June 24, 2006
白雪公主續集
養豬人剛剛教咗一個教人拍拖嘅工作坊.其中一個重要嘅環節,就係講到家庭背景對一個人拍拖,以至婚姻嘅影響.
例如我好重視家庭生活,認為一個好男人係要識煮飯,肯做家務,比多d時間老婆瞓覺…
呢d想法,其實唔多唔少都係被豬爸爸所影響,同埋成日都見到豬媽媽有時間瞓覺 zzz
所以我一直好有興趣,如果白雪公主有續集,故事發展會如何?
試諗下,一個來自複雜家庭,被繼母追殺,有著破碎經歷的女孩子,遇上一個見到人靚就會鍚嘅有錢男孩子,雙方素未謀面,在完全不知道對方背景的情況下走在一起,會咁簡單就從此以後快快樂樂地生活在一起嗎?
例如我好重視家庭生活,認為一個好男人係要識煮飯,肯做家務,比多d時間老婆瞓覺…
呢d想法,其實唔多唔少都係被豬爸爸所影響,同埋成日都見到豬媽媽有時間瞓覺 zzz
所以我一直好有興趣,如果白雪公主有續集,故事發展會如何?
試諗下,一個來自複雜家庭,被繼母追殺,有著破碎經歷的女孩子,遇上一個見到人靚就會鍚嘅有錢男孩子,雙方素未謀面,在完全不知道對方背景的情況下走在一起,會咁簡單就從此以後快快樂樂地生活在一起嗎?
Labels: 鎖碎事
Wednesday, June 21, 2006
也是生活的一部份...
上星期不在家,於是今朝決定要煮番餐好嘅慰勞老婆豬.不過可能近排太多嘢做,太多嘢稔,煮飯時有點心不在焉,心不在焉,心不在焉...
結果煮燶咗!
記得有一個好叻煮食嘅朋友講過,如果煮燶煲,要即刻加少少水,將水煮滾,然後用木鏟將焦刮去,於是唯有試下,希望可以救番個煲.
過程既花時間,又費手力.不過無辦法,出咗錯誤,就要花時間去補救,這是生活的一部份.
刮下,刮下,刮下,
過程中繼續心不在焉,心不在焉,心不在焉...
結果係唔知點解嘅情況下,連隔熱手套都燒燶埋!
...有些錯誤,如果無得補救,唯有折哀順變,
這也是生活的一部份.
[頭頂冒煙嘅手套彷彿告訴我:「養豬人,你要好好休息下啦!」]Labels: 鎖碎事
Monday, June 19, 2006
寫情信是一門藝術
可能因為剛剛去咗個Arts Conference,雖然我在藝術方面係外行人,但這兩日仍然想到好多有關藝術嘅嘢.稔稔下,發覺其實寫情信都可算係一種藝術:
一個人將心靈深處的感動,透過文字表達出來,打動另一個人的心靈.
整個過程,感覺好似好藝術...
突然間,好想睇情信,於是翻閱以前寫俾老婆豬的信.其中有一封,到依家都仍然好鐘意:
親愛的靜璧,
兩年前妳肯首願意與我同行,對我而言是一份恩典.所以自從那天開始,不論際遇和環境,我都提醒自己要珍惜妳的恩情.
經過了這些日子,幻想逐漸退去,顯露出來的是彼此更深層的認識,更全面的接納,更堅實的讚美,更踏實的浪漫.
我不會為一些人力以外的事情作出保證,所以我不會假設明天的一切都會趨向童話式的美好.然而我相信,要是我倆能定志在基督的愛裡彼此相愛,扶持,和接納,甜蜜的愛情就會轉化為每時每刻具體的祝福.
妳的
仁
Jan. 10, 2001
**你有寫情信嗎?有的話,不妨同大家分享下嘛!
Saturday, June 17, 2006
幸福的孩子
今朝早斗叔到我屋企拜會,佢一入門口,侄仔國臨豬一身黑色打扮,衝到門口迎賓.
斗叔問:「你係邊個呀?」
國臨豬沒有答話,只係冷靜地觀察對方的動靜.
雙方僵持了一會,站在一旁的爸爸終於打破沈默:「Hi,斗叔,佢叫做國臨呀...」
話都未講完,國臨豬已厲聲叫道:「唔係!我係Batman!」
旁邊的大人一哄而笑.
記得我細個嘅時候,成日封自己做神勇飛鷹俠嘅隊長.
當時,我個樣應該都係好認真;
而當時d大人應該都係笑到碌地.
在大人的笑聲中,認真地傻傻哋成長的孩子,是幸福的孩子.
Labels: 養豬大家庭
Wednesday, June 14, 2006
我想煮飯...
晌芝加哥,主要都係食地道嘅美國食品...即係漢堡飽加薯條.我對食物一向唔係好揀擇,只不過食得太多漢堡飽同薯條,開始有d熱氣 :@
可能係噤,突然好想返屋企食住家飯.唔單止想食,仲好想煮.
我煮飯好叻...就呃人嘅,不過我就幾鐘意煮,尤其是同老婆豬一齊煮.
其實一齊玩煮飯仔係一個好好嘅溝通過程.除非兩個正係玩緊冷戰,否則一定會傾計,講下生活瑣事.仲可以培養合作精神,因為大家要夾手夾腳,你洗米,我切肉;你落油,我炒菜.最後仲可以享受合作嘅成果,開開心心食一餐.
「有得食,有得玩」大概就係噤嘅意思.
可能係噤,突然好想返屋企食住家飯.唔單止想食,仲好想煮.
我煮飯好叻...就呃人嘅,不過我就幾鐘意煮,尤其是同老婆豬一齊煮.
其實一齊玩煮飯仔係一個好好嘅溝通過程.除非兩個正係玩緊冷戰,否則一定會傾計,講下生活瑣事.仲可以培養合作精神,因為大家要夾手夾腳,你洗米,我切肉;你落油,我炒菜.最後仲可以享受合作嘅成果,開開心心食一餐.
「有得食,有得玩」大概就係噤嘅意思.
Labels: 鎖碎事
Monday, June 12, 2006
一句鼓舞的話
[因為交通接駁嘅關係,我晌呢個位坐咗3個鐘!好在帶咗幾本書晌身邊,仲要有兩本係漫畫^^]現在是芝加哥時間下午3點52分.
點解係芝加哥時間?因為我依家係芝加哥嘅O'Hare機場.
尋日傍晚時份,先至由美國Warm Beach一個夏令會返回溫哥華.今朝4點幾起身,煮定飯俾老婆豬,又匆匆趕到機場,搭機到芝加哥,參加另一個conference.
其實由今年4月到6月,有好多時都唔係屋企,原因主要都係為咗明年嘅牧羊事工做好準備.發展牧羊事工,除咗成日周圍走之外,仲有好多挑戰,有時都覺得幾辛苦.
有次老婆豬話:「我地會唔會因為辛苦,或者其他困難,而決定唔做落去呃?如果唔會,就繼續努力走下去吧!」
呢句說話,真係好有智慧.老婆豬真係好勇敢.稔起都覺得好鼓舞!
…但係今朝早摸住老婆豬個大肚,同佢講拜拜嘅時候,仍然係好唔捨得…
Friday, June 09, 2006
養豬者言 (五)
Wednesday, June 07, 2006
獨一無ニ的禮物
在這個年代,帶住部laptop就等如帶住個辦公室晌身邊.所以今次上郵輪,我幾大都唔帶埋部電腦,以免自己手痕開工寫paper,或者預備主日學教材,無得休息之餘,部電腦仲可能會俾老婆豬扔落海!
不過我就仍然有開筆寫下嘢.寫乜嘢?當然唔係寫paper啦,不然老婆豬早就扔咗我落海!我寫嘅係明信片.
去旅行嘅時候,我好鐘意寫明信片俾屋企人,既可報平安,又可傳情達意,而上面仲貼住當地嘅郵票,好有特色同紀念價值,係一份獨一無二嘅禮物,跟寫咭俾心愛嘅人有異曲同工之妙!
所以下次遠遊,不妨寄張明信片返屋企啦^^
Labels: 鎖碎事
Tuesday, June 06, 2006
小豬B的魔力
出發前,我同老婆豬都下定決心,整個亞拉斯加之旅都唔會多洗一分錢,但係結果都係買咗這一堆禮物俾小豬B...
我唔排除會晌佢以後嘅零用錢裡面扣番...
Monday, June 05, 2006
大肚婆坐郵輪
[老婆豬在Glacier Bay觀賞冰川,係咪好似大冒險家.]休息咗一個禮拜,終於返來啦!
出發之前有人提醒我地:後生細仔坐cruise,可能會好悶.不過坐完之後發覺,其實都幾好玩,仲好適合大肚婆.
點解?
其一是因為大肚婆唔可以太勞動,去d7日暢遊14個國家嘅「快馬加鞭團」肯定會想死.坐郵輪就唔同,想坐下就坐下,想訓覺就訓覺,非常relax.
其二,大肚婆需要有適量運動,但唔可以太劇烈.由郵輪船頭行到船尾,連埋睇風景,可以行成半個鐘,運動量非常足夠.
其三,大肚婆唔可以一次過食太多,會頂住個胃兼且想嘔,但食得少又容易肚餓,所以要少食多餐.坐郵輪24小時都有得食,而且選擇多,鐘意幾時肚餓都無問題.
其四,大肚婆需要好多精神上嘅支持.坐郵輪餐餐晚飯閒閒地可以食上兩個幾鐘,傾計傾到口水乾.
其五,聽音樂係一個好好嘅胎教方法,郵輪上日日都有音樂節目,咩類形都有.小豬B似乎好鐘意大型歌舞,每次聽到都晌老婆豬肚裡面彈彈下.
當然,以上各項好處都取決於一個條件,就係個大肚婆唔會暈船浪.
[唔該再來多一個甜品]Labels: 懷孕經歷
